American Heart Association, Helmsley Charitable Trust tshaj tawm $4.7 lab los pab txhawb thiab nthuav dav kev noj qab haus huv thiab kev saib xyuas mob hlab ntshav hlwb txhaws rau cov nyob deb nroog.

SAINT PAUL, Minnesota, Lub Cuaj Hlis Ntuj Tim 26, 2024 - Lub American Heart Association (Koom Haum Kho Mob Plawv Neeg Meskas)/American Stroke Association (Koom Haum Kho Neeg Meskas Mob Hlab Ntshav Hlwb Txhaws) tau tshaj tawm thoob plaws lub xeev tias yuav muab $4.7 lab mus txhawb rau cov kev saib xyuas neeg mob hlab ntshav hlwb txhaws thoob xeev Minnesota.Lub koom haum tau pib muab nyiaj pab $4 los ntawm The Leona M. and Harry B. Helmsley Charitable Trust.

Qhov nqis tes pib no raug tawm qauv los nthuav dav kev saib xyuas neeg mob hlab ntshav hlwb txhaws thoob lub xeev uas twb muaj los lawm los ntawm kev tsim qhov tseem ceeb los ua kom tau rau qhov uas rau siab kho mob hlab ntshav hlwb txhaws mus kom thoob tsoom fwv lub Khoos Kas Paul Coverdell.Los ntawm ob feem tseem ceeb, raws li lub Koom Haum tsom rau los pab rau qhov ncua sij hawm nrug ntawm cov neeg nyob cheeb tsam deb nroog thiab cov uas tsis paub lus Askiv zoo kom mus kho tau tus mob hlab ntshav hlwb txhaws raws sij hawm tsim nyog thiab los txhim kho kom lawv mus siv tau cov chaw saib xyuas tom qab muaj mob hlab ntshav hlwb txhaws li cov lus qhia saib xyuas hauv qab no.

"Mob hlab ntshav hlwb txhaws yog yam mob xwm txheej ceev yauv tau kho tam sim.Cov kws pab kho mob yuav tau yuav cov tshuaj kom raug raws cov tsos mob, qhov uas yuav nyuaj thaum lawv tsis paub lus ntawm cov neeg mob, cov tsev neeg thiab cov kws pab kho mob," raws li Heather Peterson, Tus Lwm Thawj Pwm Tsav Saib Xyuas Qhov Cuam Tshuam Rau Zej Zog ntawm lub American Heart Association hais qhia.“Qhov kev rau siab pab no yuav tsim tau tej ntaub ntawv cuam tshuam kab lig kev caithiab kev paub lus.Pab txhim kho kom cov neeg txhua tus muaj mob hlab ntshav hlwb txhaws hauv Minnesota paub txog kauj ruam tseem ceeb los ua kom ntseeg tias txhua leej, txhua qhov chaw ua tau zoo tshaj plaws tom qab muaj hlab ntshav hlwb txhaws.”

Nyob rau thaum xaus ntawm qhov pib lis hauj lwm peb xyoos no, cov neeg nyob hauv Minnesota yuav mus siv tau ntau cov chaw uas tau nthuav dav, tej kev mus los thiab cov kev rau siab los pab saib xyuas rau tag nrho txoj kev muaj mob hlab ntshav hlwb txhaws.Muaj ntau yam tshwj xeeb ntxiv, lawv yuav tau txiaj ntsig los ntawm:

• Tau nthuav dav, kev paub cuam tshuam nrog kab lig kev cai thiab kev paub txog cov tsos mob, cov yam ntxwv mob ntawm hlab ntshav hlwb txhaws, yuav tau hu rau 911 thiab kev kawm txog kev pov thaiv hlab ntshav hlwb txhaws
• Cov lus qhia kev saib xyuas ncaj nraim tom cov chaw saib xyuas mob hlab ntshav hlwb txhaws los txhim kho ua kom zoo rov los thiab qhov zoo ntawm kev ua neej.
• Kev mus los thiab kev pab txhawb rau kev txheeb sau ntaub ntawv ua ntau hom ntawm cov chaw tu kom zoo rov los, suav nrog rau Mus Siv Tau Cov Tsev Kho Mob uas muaj cov txaj viav vias, cov chaw kho neeg mob kom zoo rov los, thiab cov tsev txawj tu neeg mob los pab txhim kho tau qhov zoo.
• Kom mus siv tau cov tsev txawj tu neeg mob nyob rau tom qab saib xyuas mob ceev txog hlab ntshav hlwb txhaws

Qhov no yog qhov kawg ntawm cov kev nqis teev los ntawm Lub Helmsley Charitable Trust nyob rau hauv American Heart Association tus qauv txoj kev ua hauj lwm saib xyuas rau kev mob plawv thiab saib xyuas mob hlab ntshav hlwb txhaws."Lub American Heart Association qhov kev ua txhua yam yog ua kom ntseeg tias txhua tus neeg hauv Minnesota suav nrog cov neeg nyob deb nroog thiab tus uas tsis paub lus Askiv zoo kom mus siv tau kev saib xyuas raws qhov tsim nyog ntawm cov tsos mob hlab ntshav hlwb txhaws los ntawm kev kho tom qab mob ceev.Qhov no yuav txhim kho tau zoo, " raws li Walter Panzirer, tus Tuav Dej Num Rau lub Helmsley Charitable Trust hais."Muab cov ntaub ntawv qhia ua kev kawm txhais mus ua ntau hom lus yuav pab nthuav dav tau peb qhov raug kev cuam tshuam thiab ua kom ntseeg tias muaj ntau cov neeg nyob thoob plaws lub xeev yuav paub txog ntawm mob hlab ntshav hlwb txhaws thiab paub txog tias yuav ua li cas thaum xwm txheej ceev."

Kab mob plawv, suav nrog plawv thiab yam ntxwv mob hlav ntshav hlwb txhaws, suav nrog rau qhov tsim ua rau tuag taus nyob hauv Teb Chaws Meskas.Li ib txwm lawm qhov mob ceev los ntawm hlab ntshav hlwb txhaws ua raug tuag taus thiab yuav tau siv sij hawm ua zoo kho los cawm txoj sia thiab txo qhov ua rau xiam oob qhab.Hlab ntshav hlwb txhaws tsim ua rau muaj neeg tuag hauv Minnesota, raws li suav tau muaj ntau tshaj 2,300 leej tuag nyob rau xyoo 2021.Muaj coob tus neeg hauv Minnesota ua neej nyob nrog kev xiam oob qhab vim mob ntshav hlwb txhaws.

Txhua feeb txuag tau nyob rau kev kho mob hlab ntshav hlwb txhaws yuav pab cawm tau txoj sia ncaj nraim thiab pab tau qib ua kom zoo rov los.Yuav tau muaj kev saib xyuas kom dav, yuav tau muaj kev txhim kho qhov zoo kom daws tau cais cov teeb meem zoo sib thooj, kev xa mus thiab qhov nyuaj rau kev kho nyob rau sij hawm yuav tau ua zoo saib mob hlab ntshav hlwb txhaws.

Khoos kas kho mob hlab ntshav hlwb txhaws nyob hauv Minnesota tsim los ntawm qhov ua tau ua ntej los no uas siv txoj hauv kev no.Nyob rau xyoo 2013, lub Helmsley Charitable Trust pab nyiaj $4.6 lab txhawb rau ua Tej Hauj Lwm: Lifeline STEMI nyob hauv Minnesota los txob sij hawm kho mob rau kev saib xyuas mob plawv mob ceev nyob rau cov xwm txheej ntawm ST Muaj Mob Ceev Heev Rau Leeg Plawv Ua Rau Tuag (Segment Elevation Myocardial Infarction, STEMI).STEMI yog ib hom mob ntawm plawv tsis muaj zog thiab tshwm sim thaum ntshav los tsawg uas yuav ua rau txhaws ib feem ntawm lub plawv.

"Mob hlab ntshav hlwb txhaws yuav tsim ua rau xiam oob qhab ncua sij hawm ntev nyob hauv Minnesota thiab thoob plaws lub teb chaws," raws li Dr. Haitham Hussein, Kws Tshawb Fawb Txog Leeg Xa Xov Paj Hlwb ntawm lub tsev kawm University of Minnesota thiab tus qub thawj pwm tsev ntawm cov thawj coj rau lub American Heart Association nyob hauv Ob Lub Nroog Ntxhaib hais."Kev mus siv tau kev pab kho kom zoo rov los ntawm mob hlab ntshav hlwb txhaws zoo yog qhov pab tau zoo heev ntawm kev lis hauj lwm ua kom zoo rov los.Lub American Heart Association Teg Hauj Lwm Yog: Lifeline Stroke yuav ua kom ntseeg tias cov neeg nyob hauv Minnesota txhua tus thoob plaws lub xeev, nyob hauv plawv nroog thiab nyob tuaj ntug nroog, tuaj yeem muaj hauv kev ua neej nyob ntev li ntev tau thiab ua lub neej noj qab haus huv tom qab mob hlab ntshav hlwb txhaws."

Vim tias xyoo 2010, lub Helmsley Charitable Trust tau cog lus muab tshaj li $90.9 lab rau lub American Heart Association tej hauj lwm.Helmsley kev pab txhawb yog ib lub zog loj los txhim kho cov kev ua hauj lwm thoob plaws lub xeev txog ntawm kev saib xyuas nyob hauv Sab Hnub Poob Nruab Nrab Teb Saum Toj Zog, suav nrog Teg Hauj Lwm: Lifeline STEMI cov hauj lwm nyob hauv xya lub xeev txij xyoo 2010-2016 thiab qhib Teg Hauj Lwm: Lifeline Stroke nyob hauv North Dakota, Nebraska, Montana thiab Iowa.

###

Txog ntawm lub American Heart Association
Lub American Heart Association yog tsis tso tseg txoj kev ua kom tau nyob hauv ntiaj teb ntev zog, muaj kev ua neej noj qab haus huv zog.Peb rau siab ua kom ntseeg tias sawv daws muaj kev noj qab haus huv ib yam nyob hauv txhua lub zej zog.Los ntawm txoj kev koom tes nrog ntau cov koom haum, thiab tau txhais kev txhawb zog los ntawm ntau lab cov neeg kam pab dawb, peb thiaj muaj peev nyiaj los tshawb fawb, txhawb nqa zej tsoom kev noj qab haus huv thiab faib tau cov chaw uas pab cawm tau txoj sia.Lub koom haum nyob hauv Dallas tau tsav coj lub chaw muaj ntaub ntawv qhia txog ib puas xyoo lawm.Ncua sij hawm xyoo 2024 - peb qhov Ib puas xyoo - peb tau ua kev zoo siav ntau 100 xyoo-keeb kwm thiab kev ua tau.Zaum no peb rau siab ua mus tom ntej rau ib puas xyoo thib ob txuas mus nyob rau kev tshawb fawb thiab qhov cuam tshuam, peb lub zeem muag yog ua kom muaj kev noj qab haus huv zoo tuaj thiab kom txhua leej muaj kev vam, txhua qhov chaw muaj kev vam.Mus saib tau peb hauv heart.org, Facebook, X los sis los ntawm hu rau 1-800-AHA-USA1.

Hais txog ntawm lub Helmsley Charitable Trust
Lub Leona M. and Harry B. Helmsley Charitable Trust txog kev pab txhawb txhim kho kev ua neej nyob los ntawm kev pab txhawb yam tsis muaj qhov zam li rau siab nyob hauv Teb Chaws Meskas thiab thoob ntiaj teb nyob rau kev noj qab haus huv thiab xaiv pib raws qhov chaw.Txij li pib muaj kev pab nyiaj xyoo 2008, Helmsley tau muab ntau tshaj $4.5 txhiab lab rau ua nyiaj pab mus ntau qhov chaw.Helmsley Lub Khoos Kev Noj Qab Haus Huv Ntawm Cov Nyob Deb Nroog peev nyiaj pab txhawb cov hauj lwm uas siv cov tev naus laus yis los txuas nrog cov neeg mob nyob deb nroog rau kev saib xyuas mob xwm txheej ceev, coj tej kev kho mob tshiab los kho cov neeg mob nyob deb nroog thiab muab keb qhia rau cov neeg nyob thoob lub xeev rau cov tsev kho mob nyob deb nroog thiab EMS cov neeg.Txog rau tam sim no lub khoos kas tau txais nyiaj pab ntau tshaj $700 rau cov koom haum thiab pib nyob rau cov xeev ntawm Hawaii, Iowa, Minnesota, Montana, Nebraska, Nevada, North Dakota, South Dakota, Wyoming, thiab Teb Chaws Meskas Ob Thaj Av nyob Hiav Txwv Pas Xis Fiv, American Samoa thiab lub Commonwealth ntawm lub Northern Mariana Islands.Rau lus qhia ntixv, mus saib www.helmsleytrust.org. 

Yog Muaj Lus Nug Txog Ntaub Ntawv Kev Paub:
Olivia LaVoy: olivia.lavoy@heart.org
Yog Muaj Lus Nug Txog Zej Tsoom: 1-800-AHA-USA1 (242-8721)
heart.org thiab stroke.org